د اسلامي فقې د نړیوالې ټولنې لخوا ورځنيو اړتیاؤ ته پر پاملرنې ټینګار شوی

ایکنا- د  اسلامي فقې د نړیوالې ټولنې  د شپږویشتمی ناستې ویناوالو د فقیهانو په فتواګانو کې د نوو ټیکنالوژیو او د  داوسمهاله انسان اړتیاوو ته د پاملرنې پر اهمیت ټینګار وکړ.

د اسلامي فقې نړیوالې ټولنې  د رسمي ویبپاڼې په حواله وئيل شوي دي، د اسلامي ملګرتیا موسیسې عمومي منشي حسین ابراهیم طه  د قطر په دوحې، د دغې  ټولنې د شپږویشتمی ناستې په پرانیستونکې  غونډې کې د امت د روښانه کولو او د اسلام د تسامح ارزښتونو د خپرولو په برخې کې د دغې ټولګې د هڅو ستاینه وکړه. هغه د اسلامي فقهې پر اهمیت ټینګار وکړ چې د امت په لارښوونه او د ژوند په بېلابېلو اړخونو کې د ستونزو په حل کولوکې رول لري.

دغه ناسته د  تیرې یکشنبې په ورځ د نړۍ د اسلامي عالمانو په ګډون او د قطر د لومړي وزیر او بهرنیو چارو د وزیر شیخ محمد بن عبدالرحمن آل ثانی تر څارنې لاندې پیل شوه. د قطر د اوقافو او اسلامي چارو وزیر غانم بن شاهین دغې ناستې ته د عالمانو او کارپوهانو  د  ورتګ هرکلی ووایه او د فقهې او اسلامي فکر د رول په پیاوړتیا ئې ټینګار وکړ.

د مکې معظمې د حرم امام او خطیب او د دغې  ټولګې مشر  شیخ صالح بن عبدالله بن حمید د دغې ناستې د موضوعګانو پر اهمیت خبرې وکړې او ویې ویل چې دا موضوعات  ډله ایز اجتهاد ته اړتیا لري. ددغې ټولنې عمومي منشي قطب مصطفى سانو وویل چې د دغې ناستې موضوعګانې د واقعیت پر بنسټ دي او په  شخصي او ټولنیز ژوند ئې اغېزې شیندي  ، لکه مصنوعي ذکاوت(آرټیفیشل اینټلیجنس)، د استصحاب قاعده، برېښنایي لوبې، د  نفسیاتي ناروغیو پر شرعي اهلیت اغېزې او د مالي صنعت نوې موضوعګانې.

دغه ناسته د ۱۸۷ علمي څېړنو او د ۶۰ هیوادونو  د ۲۳۰ عالمانو او کارپوهانو په ګډون تر ټولو لویه ناسته بلل شوې ده. د ایران له  ایران څخه حجت‌الاسلام حمید شهریاري او آیت‌الله احمد مبلغي په دغې ناسته کې ګډون لري.

https://iqna.ir/fa/news/4280725